[324] Ik rope hude myt ynnygen herten an dat hilge blot,
Unde unses heren lycham dat my de snelle grymege dot
Nummer doe also grote not,
Dat my werde dat ghebenediede hemmelissche brot,
Dat got sinen hilgen jungeren beide gaff unde bot.
Ihesus Christus de sote name ihesu christi und syner hochgeloveden moder Marien sy ewichlichen ghelovet gheeret unde gebenediet. Amen.
Rostocker Handschrift VI, 1, 7, Bl. 1. Perg. 14. Jahrhundert.