Online-Bibliothek

538. D' Weiz'.

[86] Oberpf. von J.A.Pangkofer.

'S is g'weian an oita Pflega

A bittaböisa Mou,

Dea hout die Bauan g'schunden,

Un eih vial Jargs thou.

Hout Leut' und Kuarfüarst b'schissen,

Su vial a nou hout kinnt;

Doh endla kreigt da Tuifel,

Davou an reten Wind.

Dea pfoiten af da Nodel,

Bis gweian übag'nou,

Und wei sei Stündel kemma,

Dou g'langt a g'woltla zou.

Un in an Souck do trougt an

Am Schwiarzlber geih fuat,

Da Mou, dea thout dawacha

Zun Glück am reten Uat.

Jeises, Moarie und Josef!

In seina Angst a schreit,

Dou hout en g'schleu da Tuifel

In Weiha z' gneigast keit.

Mou sida duaten weizen

Ols oarme Seil da Mou,

Un Jeida thout si scheuzen,

Dea z'naacht's voubei geiht drou.

Doh dea'n wullt dalöisen

Dea meüt a Pflega sey,

Vun Banangout und Kuarfüarst

Ols wei an Engel rei.