Online-Bibliothek

Min Annamedder

[4] Ei, du lüttje Flasskopp,

Ik fręt di vœr Leev op!

Wat hest du vœrn Pusbacken,

Noch söter as Twebacken!

Ei, du lüttje Flasskopp,

Ik fręt di noch op! –[5]

Ei, du lüttje Wissnut,

Wa börst du din Hans ut!

De Tung geit as en Lammersteert:

Din Hans is keen Dreelnk weerth.

Ei, du lüttje Wissnut,

Wa schellst du mi ut!

Ei, du lüttje Witt-Tähn,

Wat mag'k di geern dull sehn!

Wa se plœtert as en Kaffemœl,

Wa se klœtert as en Möserstœl!

Ei, du lüttje Witt-Tähn,

Wat mag'k di geern sehn!

Ei, du lüttje Keithahn,

Wat kikst mi kasprat an!

Kumm, wullt mi to Kopp flegn?

Ik heff noch keen Düt kręgn.

Ei, du lüttje Keithahn,

Wat kikst du mi an!

Ei, min lüttje Annameller,

Kannst mi afwischn asn Briteller,

Kannst mi utwrengn asn Fatdok,

Inne Eck stelln asn Handstock.

Ei, min lüttje Annamedder,

Ik bün slantig as en Dok!