Online-Bibliothek

Scene 17.

[273] Dorthee. Madame Hammel. Frenz bringt den Braten zurück und hat ein Licht in der Hand.

MADAME HAMMEL. Ich sagen ersch, Sie mecht immer ze viel Feier.

FRENZ. Awwer Madam, es war'n kaum e paar Kehlercher drinn.

MADAME HAMMEL. Daß du! – E Feier forn Ochs ze brote! – Was is es – mer esse desmol unfern Sallat ohne Brate – des muß ich sage – e scheen Esse, wann mer emol e Fremdes hot! Do laf Se eniwwer zum Herr Leredde, un hol Se zwä Portione kalt Hase-Pastet.

FRENZ. Madam, Ihne kann mer awwer aach nix recht mache – wie mersch aach mecht. – Wenn sie allenfalls net ze fridde sinn. – – No, ich will mein Schaal umhenke.[273]

MADAME HAMMEL. Ach noch e Schaal! – um zwä Häuser weit ze gehn?

FRENZ. Warum net – mer werd wie e Nickel iwwer die Gaß laafe. Geht brummend ab.

MADAME HAMMEL. Infame Weibsbilder!