Online-Bibliothek

2. Scene.

[96] Vorige. Loisl.

LOISL tritt ein. Der Lehnl wär' drauß'n und möcht' gern 'rein.

WIRT. Die Sitzung is gleich 'rum.

HUBERBAUER. Loisl, geh' wieder 'naus![96]

LOISL. Warum pressirt's denn so? I möcht' die G'schicht' auch lernen, daß i später net aufsitz', wenn i auch amal einer von den Großkopfet'n bin.

HUBERBAUER. Müß'n wir uns das g'fall'n laß'n, Bürgermeister?

WIRT. So weit bin i noch net im G'setzbuch, daß i wiß'n kann, ob großkopfet a Injurie is oder net.

HUBERBAUER. Lehrer, notir' den Ausdruck!

LEHRER schreibt. G'schwollschäd'l.

HUBERBAUER zu Loisl. Und du gehst aug'nblicklich.

LOISL. Erst muß mir d' G'meind' 'was schenk'n!

WIRT steht auf. Wart', i schenk' dir 'was!

LOISL. Mi stimmst! Läuft ab.

WIRT. Somit wär' die Sitzung aufg'hob'n.

LEHRER. Dürft' i vielleicht jetzt auch red'n?

HUBERBAUER. Hast am End' gar an Fehler g'macht?[97]

LEHRER. I mein', a Fehler könnt' darin lieg'n, daß die G'meind' noch nicht den Dank ausg'sproch'n hat für die Uebertragung der Schnitzarbeit'n die der Huberbauer in uns're Kirch' g'stift' hat, an den Lohnerpauli.

RÖTHELBACHBAUER. Der Lehrer hat Recht! Was der Pauli macht, is schön.

WIRT. Den Dank muß man wohl dem Herrn Baumiller zukommen laß'n, denn der hat den Pauli empfohl'n.

RÖTHELBACHBAUER. Wenn der Huberbauer net in Tasch'n 'neing'langt hätt', wär' alle Empfehlung umsonst g'wes'n.

HUBERBAUER. I kann's ja leicht mach'n: I hab's ja! Mir geh'n die Batz'n noch lang net aus und wer –

LEHRER. Wer net so viet Geld hat, is a Lump!

WIRT geht an die Thüre und ruft hinaus. Der Lehnl kann jetzt 'reingeh'n!