Online-Bibliothek

Ick meen man so

[307] Up Maidag würr ick achteihn Johr –

nee, wu de Tit henlöppt!

Un föftig sünd vör mi noch dor,

wenn recht de Kuckuck röppt.

Un Hans, je de hett loßt sick fri

un deent nu bi den Burn,

he kriggt nu ball sin Bödneri,

wu lang will dat noch durn!

He deit sick nah'ne Brut all üm;

wen he sick woll recht nimmt?

Dat kümmt oft gor to narrsch herüm,

wen weet, wu dat noch kümmt!

Dat Best dat is mi ümmer recht,

wen weet, wat ick denn do,

wenn he – na, ick heww nicks nich seggt –

ick – na, ick meen man so!