Online-Bibliothek

31. De Hülp

[88] »Wi krig'n doch nich dat Heu taurecht«,

Seggt Bur Fischer tau Kammin.

»Jehann! – Jehann!« röppt hei den Knecht,

»Wo Deuwel mag de Bengel sin?«

Na, endlich krüppt Jehann herute ut dat Stroh:

»Wat will Hei denn! Hir bün ick jo!«

»Hürst du denn nich, dat ick hir rohr?

Wat kümmst du nich, wat makst du dor?«

»Oh, nix nich, Herr! Ick lag en beten.

Hüt middag heww 'ck so dick mi freten,

Un wull en lüttes Spirken slapen.«

»Wo is denn Krischan?« – »Ick bün ok tau Hannen«,

Seggt de un kümmt nu ok herute schaben.

»Na, segg! Wat makst denn du dor baben?«

»Oh, nix nich, Herr! Ick hülp Jehannen.«