Online-Bibliothek

De Lauesangk

[649] Jhesu nostra redemptio.

1.

Vorlößer, here Jesu Christ,

du vnße begher vnd leue bist,

Heffst alle dingk gemackt mit vlyth,

mynsch worden ynn der lesten tydt.

2.

Dy thoch de grote güde dynn,

dat du wech nemst de sünde mynn,

Geleden hest den bittern doth,

dat du vns hülpest vth aller noth.

3.

De helle döhr hestn vp gedann

vnd dyn gefangen vth gelann,

Du herschest, herr, gewaldichlick

inn dynes ewigen vaders ryck.

4.

Wy bidden dy, o here millt,

dat du vnß öuell stillen willt,

Szo werden wy van sünden licht,

wann du vnß wysest dyn angesicht.

5.

Du wollest vnße fröude synn,

giffst vnß tho lohn dat ryke dynn:

Inn dy sy vnse herlicheit

van düsser tydt ynn ewicheit.